من طرف مصطفى عايد الخميس أغسطس 06, 2009 12:44 amيمهدي المنتظر يا ناصر الدين
نحن لشوفتك يبن الميامين
يبن خــير العـــمل
بس انت الامـــــــل
نحن لشوفتك يبن الميامين
************************************************
يل محيي السنن اسمع ندانه
يلمهدي الك نرخص دمانه
بس انت الوحيد انت حمانه
رافع رايت الامه ولوانه
اسمك منتصر
يمهدي المنتظر
ياراعي القيم يبن البراهين
************************************************
بين خير الورى وطهر سلاله
مولانه ارتفع صوت العداله
منك تنرعب اهل الرذاله
وسيفك يرتوي باهل الظلاله
الك نفدي النحور
عاهدنه الـــــبدور
صوت الحق يظل عايش تره اسنين
************************************************
فرحانه النفوس بهل المسيه
نولد ابن النبي وابن الزجيه
ويملأ بعدل كل الوطيه
ما تبقى وتظل اهل الرديه
يملأ بـــــعدل
نفديله الاهل
نقسم بالعهد وبجده الحسين
************************************************
يمهدي المنتظر يلجدك حسين
نريدك تظهر وتحمي الموالين
هاك اسمع عتب يبن الميامين
صبرنه وننتظرجيتك تره اسنين
نهض سـيدي
وبيك ونهتدي
منتظره بألم هايه الملايين
**************************************************
نعيش احنه بفرح وبهل السعاده
نصيح بصوت احنه بهل الولاده
نور الله اصبحت وانت السياده
الك يلمهدي يلوالي القياده
لجيتك ننتظر
وتزيل الخطر
نظل علنهج وياك ماشين
خادم المهدي (عجل الله فرجه الشريف)
عماد الحسني
